වතිකාන සුළඟ

"Lenten Penance and the Synodal Journey are similar" -Holy father says in 2023 Lenten Message   ප්‍රැන්සිස් සුදොතුම් පියතුමා යොවුන් දින රැළියක දී. -"එකට ගමන් කිරීම." (2023 පෙබරවාරි 22 ) අළු බදාදයින් ආරම්භ කෙරෙන චතාරික පශ්චත්තපික සමයත් සභාව දැන් ආරම්භ කර ඇති සාංගමනික ගමනත් (Synodal Journey - සිනෝඩීය ගමන) එක සමාන බව ප්‍රැන්සිස් සුදොතුම් පියතුමා කියයි.  මේ ගමන් දෙකෙහිම  පවතින්නේ  එකම ලක්ෂණය. ශ්‍රාවකයන් රැගෙන ක්‍රිස්තුන් වහන්සේ හුදෙකලා තැනකට යාම, එම හුදෙකලා තැන වෙත යන මාර්ගය දුෂ්කර, වෙහෙසකර, මහත් පරිශ්‍රමයෙන් හා කැපවීමෙන් යුතු  එකක් වීම, එහෙත් ගමන පුරා ක්‍රිස්තුන් වහන්සේ "ශ්‍රාවකයන් සමග" සිටීම, ක්ර්සිතුන් වහන්සේ අප ගෙන යන  හුදෙකලා තැන - හෙවත් කන්ද මුදුනේ - ශ්‍රාවකයන්ට සිය වෙහෙසට සහ දුෂ්කරතාවට කිසිසේත්  සම කල නොහැකි නෙත් සිත්  මවිත කරන  මහිමයක් දැක ගන්නට ලැබීම එම පොදු ලක්ෂණ වේ.  සිය චතාරික  භාවනාව තුළ මේ චතාරිකයේ දී  අපට ගමන් කල හැකි මාර්ග දෙකක් ද සුදොතුම් පියතුමා පෙන්වා දෙයි. එනම් "ක්‍රිස්තුන් වහන්සේට සවන් දීම සහ 'තැන්නට යාම'ය...

"Beyond the wall of hate" - How an Italian artist saw the Lovers Day looking at Pope Francis  (2023 පෙබරවාරි 19) මෙහි දැක්වෙන චිත්‍රය ඉතාලි ජාතික වීදි සිත්තරෙකු වන මෝරෝ පැලොත්තා හෙවත් "මෝපාල්" විසින් අඳින ලද්දකි.  පෙම්වතුන් ගේ දිනයට පෙර, 2023 පෙබරවාරි 4 වැනි දා ඉතාලියේ පළ වන දුප්පතුන් වෙනුවෙන් කැප වූ පුවත්පතක් වන  "Osservatore di Strada" හෙවත්  "Street Observer"  හි මේ චිත්‍රය පල කර තිබිණි. එදින කලාපය කැප කර තිබුණේ "ආදරය" වෙනුවෙනි.  මේ චිත්‍රය මෝපාල් විසින් පරිත්‍යාග කරන ලද්දක් බව පුවත් පත ඊට යොදා තිබූ කැප්ෂනයේ විස්තර කර තිබිණි.  මේ නිර්මාණයේ මාතෘකාව "වෛරයේ පවුරෙන් ඔබ්බට" හෙවත් "Beyond the wall of hate" යන්න බව චිත්‍ර ශිල්පී මෝපාල් විස්තර කරයි. ප්‍රේමයේ තේමාව නිර්වචනය කිරීමට තමන් පාදක කර ගත්තේ මානව සහෝදරත්වය වෙනුවෙන් වෙහෙස නොබලා, විවේචන නොතකා කටයුතු කිරීම නිසා මානව ප්‍රේමයේ  Champion කෙනෙකු හෙවත් වීරයකු වන ප්‍රැන්සිස් සුදොතුම් පියතුමා ගේ භූමිකාව බව හෙතෙම සඳහන් කරයි.  එතුමන්  දෙස බලා සිටීම "වෛරයේ පවුරෙන් ඔබ්බට...

A special prayer initiative for the 10th anniversary of Pope Francis' pontificate "රෝමයේ රදගුරු තුමා ඔබව  ආශීර්වාද කරන්න පෙර, රදගුරු තුමාව ආශීර්වාද කරන්න කියා යාච්ඥා කරන්න." මතකද? (2023 පෙබරවාරි 14) ප්‍රැන්සිස් සුදොතුම් පියතුමන් සසුන් පිය පදවියට තේරී පත්වී ලබන මාර්තු 13 වැනිදාට හරියට ම දස වසරක් සපිරේ.  එදිනට එතුමන් වෙනුවෙන් විශේෂ යැදුම් පහන් පොකුරක් ලොව පුරා සෑම ප්‍රදේශයක ම සිදු කිරීමට ඩිජිටල් සාංගමනික මූලිකත්වය පියවර ගෙන තිබේ.  ප්‍රැන්සිස් සසුන් පිය ධුර සමයට දස වසරක් පිරෙන මාර්තු 13 වැනි දා එතුමන් වෙනුවෙන් දෙවි පියාණන්ට ස්තුති කිරීමට සහ එතුමන් ගේ දූත මෙහෙවරට දේව වරප්‍රසාද  ඉල්ලමින්  යාච්ඥා කරන්නයි ඩිජිටල් සාංගමනික මූලිකත්වය (The Digital Synod)  ලොව පුරා වෙසෙන කතෝලික ජනතාවට ඇරැයුම් කරන බව වතිකාන ප්‍රවෘත්ති සේවාව කියයි. .  ඒ සඳහා ඔබ කල යුත්තේ එතුමන් වෙනුවෙන් එක නමෝ මරිය යැදුමක් හෝ  ඔබට හැකි නම්  ඊට වැඩියෙන්  ඔබට හැකි නමෝ මරිය සංඛ්‍යාවක්  හෝ  බැති බරව ඔප්පු කිරීමයි. මේ  නමෝ මරිය යැදුම් ජාලයට එක වන බව ලෝකයට ම පෙන්වීමට ද ඔබට හ...

"Let our Parishes be generous open communities of service near to all" - Pope's Prayer Intention for February 2023 (2023 පෙබරවාරි 22) 2023 වසරේ පෙබරවාරි මාසය වෙනුවෙන් සුදොතුම් පිය යැදුම් අදහස ඇතුළත් සසුන් පිය  පිය  වීඩියෝව දැන් නිකුත් වී තිබේ.  මීසම් වෙනුවෙන් යදිමු - කුමක් වෙනුවෙන් ද? අපේ ප්‍රාදේශීයබද  සසුන් වන මීසම් වෙනුවෙන් මේ මාසය පුරා අපි  යාච්ඥා කරමුයි එතුමා ලොව පුරා සිටින කතෝලික ජනතාවට ආරාධනා කරයි. අපේ මීසම් වෙනුවෙන් යාච්ඥා කරන්නේ කවර අදහසකින් ද?  "ඒවා තේරීමකින්  තොරව  ජනතාව උණුසුමින් පිළිගන්නා වූ ද සවන්දෙනා වූ ද සභා බවට පත් කරන පිණිසත් ඒවායේ දොරටු සියල්ලනට සෑම වෙලාවකම විවෘතව  තබන පිණිසත්" යාච්ඥා කරන ලෙස සුදොතුම් පියතුමා ආරාධනා කරයි.  සියල්ලනට විවෘත  අපේ මීසම් වල දොරවල් කෙතරම් දුරට විවෘතව තිබිය යුතු ද කියන්නේ නම් "Free Admission"  යනුවෙන් සඳහන්  පණිවිඩ  පුවරුවක් මීසම් දොරටු වල  සවි කිරීමට තරම් තමන්ට සිතෙන බව සුදුතුම්  පියතුමා කියයි. Free Admission  යන්නෙහි වාචික අදහස "ඇතුළුවීම නොමිලේ" යන්නයි. එනම්...

Holy Father's statement "homosexuality is not a crime" - Is that against Catholic teaching? (2023 පෙබරවාරි 5) "සමරිසි පුද්ගලයකු වීම සාපරාධී ක්‍රියාවක් නොවේ," යි ප්‍රැන්සිස් සුදොතුම් පියතුමා ඉකුත් ජනවාරි මාසයේ  පැවැති සම්මුඛ සාකච්චාවක දී කියා සිටියේ ය.  ඇතැම් රටවල් සමරිසි හෙවත් LGBTQ+  පුද්ගලයකු වීම "සාපරාධී" ක්‍රියාවක් ලෙස නීති ගත කර තිබීම "අයුක්තිසහගත" බව එතුමා පෙන්වා දුන්නේ ය. සමරිසි ජනතාව සභාවට සහ දෙව්මැදුරු වලට පිළිගන්නා නීති සම්පාදනය කිරීමේ ප්‍රයත්න වලට  කතෝලික රදගුරු හිමිවරුන් සහය දැක්විය යුතු බව ද එතුමා කියා සිටියේ ය.  එතුමා මේ අදහස් පළ කළේ ලොව කීර්තිමත් ප්‍රවෘත්ති සේවාවක් වන එක්සත් ප්‍රවෘත්ති සේවාවේ  (Associated Press) ප්‍රවෘත්ති කලාවේදියකු සුදොතුම් පියතුමන් ගේ නිවසේ දී එතුමන් සමග කල සම්මුඛ සාකච්ඡාවක දී ය. එය ජනවාරි 25 දින පළ කරන ලද අතර ඒ අවට දිනවල ලොව පුරා ජනමාධ්‍ය වල ප්‍රචාරය විය.  ශුද්ධෝත්තම ප්‍රැන්සිස් පාප් වහන්සේ ගේ මේ ප්‍රකාශය ශ්‍රී ලංකාවේ ඇතැම් ප්‍රධාන ධාරාවේ මාධ්‍ය විසින් "ආන්දෝලනාත්මක" නොහොත් "මතභේදාත්මක "...