වතිකාන සුළඟ

පාප් වහන්සේ ප්‍රතිකාර ලබන ජෙමෙල්ලි රෝහල අබියස දක්නට ලැබෙන එතුමන් ගේ රුව සහිත බැලූන. (2025 පෙබරවාරි 28) ප්‍රැන්සිස් ශුද්ධෝත්තම පියතුමා  තනි වූ ශ්වසනාලීය ආශක්ත තත්වයකට ( isolated bronchial spasm)  මුහුණ දුන් බව වතිකානය  අද ප්‍රකාශ කළේය. මේ හේතුවෙන් ද්විත්ව නියුමෝනියා රෝග තත්වයට ප්‍රතිකාර ලබීම්මේ ත්ව්රමක පසු බැස්මක් ඇති වූ බව රෝහල් වාර්තාව උපුටා දක්වමින් එම නිවේදනය කියයි.  ඒම නිවේදනයේ මෙසේ සඳහන් වෙයි: "අද උදාසන ශුද්ධෝත්තම පියතුමා සාමාන්‍ය ලෙස ශ්වසන භෞතචිකිත්සා  ප්‍රතිකාර ලබමින් සහ එතුමා ගේ කාමරයේ ඇති කුඩා පල්ලියේ යාච්ඥා කරමින් ද ගත කළේය. අද දහවල් එතුමා හුදෙකලා ශ්වසන ආශක්තතා අවස්ථාවකට මුහුණ දුන්නේය. මේ හේතුවෙන් එතුමන්ට කැස්සත් ඔක්කාරයත්  ඇති වූ අතර හදිසියේ එතුමා ගේ තත්ත්වය තරමක් අයහපත් අතට හැරිණි.  එතුමාගේ ශ්වසන මාර්ගය බාධා රහිත කිරීම සඳහා  වහාම ක්ලෝමීය උච්ශ්වසනයට භාජනය කරන ලද අතර අන්ධර්ගත නොවන  යාන්ත්‍රික වාත සම්ප්‍රේෂණයට භාජනය කරන ලදී. එය එතුමන් ගේ ඔක්සිජන් මට්ටම වර්ධනය කළේය.  මේ අනුව රෝග අනාවැකිය තව දුරටත් අවදානම් තත්ත්වයේ පවතියි.  උ...

(2025 පෙබරවාරි 26)  ප්‍රැන්සිස් සුදොතුම් පියතුමා ගේ සෞඛ්‍ය තත්වය තවදුරටත් යහපත් අට හැරෙමින් තිබේ. වකුගඩු අක්‍රීය  වීමේ තත්වය අඩුවෙමින් පවතියි. එතුමන් ගේ රුධිර පරීක්ෂා ද යහපත් ප්‍රතිඵල පෙන්නුම් කරයි. මේ බව සඳහන් වන්නේ රෝහල් වාර්තා අනුව වතිකාන මාධ්‍ය කාර්යාලය බදාදා සවස නිකුත් කල නිවේදනයේ ය.  මේ නිවේදනය  සම්පූර්ණයෙන් මෙසේය: "පසුගිය පැය 24 තුළ ශුද්ධෝත්තම පියතුමන් ගේ සෞඛ්‍ය  තත්ත්වය  තවදුරටත් සුලු වශයෙන් යහපත් අතට වර්ධනය වී තිබේ. මෑත දින කිහිපය තුළ නිරීක්ෂණය කරන ලද මෘදු වකුගඩු අක්‍රීය වීම අඩු වී තිබේ. අඟහරුවාදා රාත්‍රියේ කරන ලද CT ස්කෑන් පරීක්ෂාව පෙන්නුම්  කරන්නේ පෙනහළු ප්‍රදාහය සාමාන්‍ය ලෙස යහපත් අතට හැරෙන බවයි. අද (බදාදා) සිදු කල රුධිර පරීක්ෂණය ඊයේ දක්නා ලද ප්‍රගතිය තහවුරු කළේය.  ශුද්ධෝත්තම පියතුමා තව දුරටත් දැඩි ඔක්සිජන් චිකිත්සාවට භාජනය කරනු ලැබ සිටියි. එහෙත් ඇදුම  වැනි කිසිදු ශ්වසන අපහසුතාවක් එතුමන්ට අද ඇති වූයේ නැත. එතුමාට කෙරෙන ශ්වසන මාර්ග  භෞතචිකිත්සාව අඛණ්ඩව කරගෙන යනු ලැබේ.  සුළු ප්‍රගතිය නොතකා එතුමා ගේ තත්වය තවමත් පවතින්නේ ආරක්...

සාන්ත පීතර චතුරශ්‍රයේ සුදොතුම් පියතුමන් වෙනුවෙන් යාච්ඥා කාරන්න එක්වූ ජනතාව  (2025 පෙබරවාරි 25) සුදොතුම් පියතුමා ගේ රෝගී තත්වය තව දුරටත් අසාධ්‍ය තත්වයේ පවතින නමුත් එය මේ වන විට උග්‍ර නොවී ස්ථාවර තත්වයේ පවතින බව වතිකානය නිකුත් කල අලුත්ම නිවේදනය කියයි. "ශුද්ධෝත්තම පියතුමා ගේ සායනික තත්වය තවමත් අසාධ්‍ය වන නමුත් එය ස්ථාවරව පවතියි. අලුතින් දරුණු ශ්වසන ආබාධ ඇති වී නොමැත. රුධිර සංයුතිය පිලිබඳ පරාමිතීන් ද ස්ථාවරව පවතියි.  අඟහරුවාදා සන්ධ්‍යාවේ පෙනහළු ද්වයේ නියුමෝනියා තත්වය විමර්ශනය කෙරෙන CT ස්කෑන් පරීක්ෂාවකට  එතුමා භාජනය කරන ලදී. එහි ප්‍රතිඵලය තවදුරටත් සැලකිල්ලිමත් විය යුතු තත්ත්වයේ පවතියි. අඟහරුවාදා උදෑසන දිව්‍ය සත්ප්‍රසාද වහන්සේ ලබා ගැනීමෙන් පසුව එතුමා සිය වැඩකටයුතු ආරම්භ කළේය."  එම තොරතුරු සඳහන් වන්නේ 25 වැනි අඟහරුවාදා වතිකාන මාධ්‍ය කාර්යාලය  නිකුත් කල නිවේදනයේ ය.  වතිකාන පාලක ව්‍යුහයේ දැඩි වෙනසක්  2023 මැයි 23 වැනි දා ප්‍රැන්සිස් සුදොතුම් පියතුමන් විසින් සංශෝධනය කරන ලද වතිකාන රාජ්‍යයේ මූලික නීතියට අනුව එතුමා පෙබරවාරි 25 වැනිදා නව පත්වීම් දෙකක් සිදු කල බව වති...

(2025 පෙබරවාරි 25) "පේදුරු  තුමන් සිරගතකොට සිටිද්දී සභාව ඉතා දැඩි ලෙස යාච්ඥා කල බව අපොස්තුළුවරුන් ගේ ක්‍රියා පොත අපට කියනවා. එදා සිට වසර 2000ක් පුරා කිතුනු ජනතාව තම පාප් වහන්සේ රෝගී වූ විට හෝ උන්වහන්සේට අනතුරක් වූ විට එතුමන් වෙනුවෙන් යාච්ඥා කරනවා ," වතිකාන රාජ්‍යයේ අංක දෙක වන රාජ්‍ය ලේකම් පියෙත්‍රෝ පැරොලීනි කාදිනල් හිමි පෙන්වා දුන්නේ ය. " එසේ ම මේ දිනවල ප්‍රැන්සිස් පාප් වහන්සේ රෝගීව රෝමයේ ජෙමෙල්ලි රෝහලේ ප්‍රතිකාර ගනිද්දීත් ලොව පුරා ජීවත් වන තනි තනි කිතුනුවන් ගෙන් සහ කිතුනු සංඝ වලින් දෙවියන් වහන්සේ වෙත දැඩි යැදුම් රාශියක් එසවෙමින් තිබේ," යයි එතුමා සඳහන් කළේය.  රාජ්‍ය ලේකම් කාදිනල් හිමි මේ බව කියා සිටියේ 24 වැනි සඳුදා වතිකානයේ සාන්ත පීතර චතුරශ්‍ර පියස්සාව තුළ ආරම්භ වූ යාච්ඥා මාලාව ආරම්භ කරමිනි.  " මේ සැන්දෑවේ සිට අපත් ඒ යැදුම් වලට ප්‍රසිද්ධියේ එක වන්නෙමු. ශුද්ධෝත්තම ප්‍රැන්සිස් පාප්වහන්සේ ගේ ගෙදර සිට ජපමාලය භාවනා කරමින්  අපි ඒ යැදුමට එක්වෙමු, ප්‍රැන්සිස් ශුද්ධෝත්තම පියතුමන් භාග්‍යවන්ත කන්‍යා මරිය  මෑණියන් ගේ බලවත් මධ්‍යස්ථභාවයට අපි ඔසවමු.  අපි එතුමියට  ආ...

  (2024 පෙබරවාරි 24) ප්‍රැන්සිස් සුදොතුම් පියතුමා රෝමයේ ජෙමෙල්ලි රෝහලේ ගත කල දස වැනි රාත්‍රියේ ඉතා හොඳ නින්දක් ලැබූ බව වතිකානය මාධ්‍ය කාර්යාලය කියයි. "රාත්‍රිය හොඳින් ගත විය. හොඳින් නිදා ගත්  සුදොතුම් පියතුමා විවේකයෙන් පසුවෙයි" එම කාර්යාලය නිකුත් කල අලුත්ම නිවේදනය සඳහන් කරයි. ශ්වසන ආබාධ ඇතුළු බැක්ටීරියා සහ වෛරස් රෝග කිහිපයකට ප්‍රතිකාර ලබමින් සිටි පාප් වහන්සේගේ රුධිරයේ හිමොග්ලොබින් මට්ටම වැඩි කිරීම සඳහා එතුමන්ට  රුධිරය ලබා දීමට සිදුවිය. "ශ්වසන රෝග තත්වය ස්ථාවර තත්වයේ පවතියි. එහෙත් රුධිර පරීක්ෂණ පෙන්නුම් කරන්නේ එතුමා වකුගඩු ක්‍රියාකාරීත්වය අඩුවීමේ මෘදු  ප්‍රථම මට්ටමේ සිටින බවයි. එහෙත් එය දැන් පාලනය කොට  තිබේ. නාසික කැනියුල ඔස්සේ ප්‍රබලව ඔක්සිජන් ලබා දීම නොකඩවා සිදුකෙරේ," යයි ජෙමෙල්ලි රෝහල නිකුත් කල වෛද්‍ය වාර්තාවේ සඳහන් වන බව ද එම වාර්තාව සඳහන් කරයි.  ඉරිදා උදෑසන  සුදොතුම් පියතුමා තමන් සිටින කාමරයේ පවත්වන ලද දිව්‍ය පූජාවට සහභාගී විය. ජෙමෙල්ලි රෝහලේ එතුමන්ට ප්‍රතිකාර කරන වෛද්‍ය සහ හෙද කාර්ය මණ්ඩලය ද එතුමන් සමග එම පූජාවට සහභාගී වූ බව නිවේදනය කියයි.

(2025 පෙබරවාරි 23) බෙහෙවින් රෝගීව සිටින ප්‍රැන්සිස් සුදොතුම් පියතුමන් සම්බන්ධයෙන් පැතිර යන පදනමක් නොමැති කට කතා වතිකානයේ ජ්‍යෙෂ්ඨ නිලධාරීහු ප්‍රතික්ෂේප කරති. එවැනි කට කතා වලට නොරැවටෙන ලෙස ඔවුහු ජනතාවගෙන් ඉල්ලා සිටිති.  වතිකානයට මේ මොහොතේ අවශ්‍ය වන්නේ ප්‍රැන්සිස්  සුදොතුම් පියතුමන් සම්පූර්ණයෙන් සුවපත් වී සිය නිවහනට පැමිණ වතිකානයේ සේවාව ආරම්භ කිරීම බව වතිකානයේ   රාජ්‍ය ලේකම්  (අප රටේ අගමැති ධුරයට සමානය) පියෙත්‍රෝ පැරෝලිනී කාදිනල් හිමි ප්‍රකාශ කළේය. එතුමා මේ බව කියා සිටියේ ඉතාලියේ කොරියෙරේ දෙල්ලා සේරා පුවත්පත කල විමසීමකට පිළිතුරු දෙමිනි.  ප්‍රැන්සිස් සුදොතුම් පියතුමන් ගේ ඉල්ලා අස්වීමට සැරසෙන බවට  සහ ඒ සම්බන්ධයෙන් සාකච්ඡා කිරීමට පැරෝලිනී හිමි සහ තවත් ප්‍රධානියෙකු  එතුමන් හමුවීමට රෝහලට ගිය බවට පැතිර ඇති වාර්තා සම්බන්ධයෙන් පුවත් පත සමග කතා කරමින් කාදිනල් හිමි මේ බව කියා සිටියේය.  "මේ සියල්ලම කිසිදු පදනමක් නොමැති අනුමාන පමණයි," එතුමා අවධාරණය කළේය. "මේ මොහොතේ අපේ අවධානය යොමු වී තිබෙන්නේ ශුද්ධෝත්තම පියාණන් ගේ සෞඛ්‍ය තත්ත්වය, එතුමා ඉක්මනින් සුවපත් වීම ...

සුදොතුම් පියතුමන් වෙනුවෙන් යදින්නට ජෙමෙල්ලි රෝහල අබියසට  රැස්වූ ජනතාව  (2023 පෙබරවාරි 23) ප්‍රැන්සිස් සුදොතුම් පියතුමා සෙනසුරාදා රාත්‍රිය නිසංසලව ගත කල බව වතිකාන මාධ්‍ය අංශය පෙබරවාරි 23 වැනි දා උදාසන නිවේදනයක් නිකුත් කරමින් කියා සිටියේ ය. සෙනසුරාදා  රාත්‍රිය එතුමන් රෝහලේ ගත කල නව වැනි රාත්‍රියයි.  ඒ අතරම තව දුරටත් නාසික කැනියුලාවන්  මගින් එතුමාට අවශ්‍ය ප්‍රබල ඔක්සිජන් ධාරාවන්  ලබා දෙන බව ද එම නිවේදනය සඳහන් කරයි. වතිකානය මේ බව නිවේදනය කළේ එතුමා  ප්‍රතිකාර ලබන රෝමයේ ජෙමෙල්ලි රෝහලේ නව වාර්තා උපුටා දක්වමිනි.  මීට කලින් සෙනසුරාදා හැන්දෑවේ නිකුත් කල නිවේදනය නිසා සමස්ත ලෝකයේ අවධානය ප්‍රැන්සිස් සුදොතුම් පියතුමන් වෙත යොමු විය. එම නිවේදනයේ සඳහන් වූයේ සුදොතුම් පියතුමා ගේ තත්ත්ව ය "දරුණු අතට හැරී ඇති" බවයි. ඊට හේතුව එතුමන් මෙතෙක් පීඩා විඳින රෝග වලට අමතරව හදසි ඇදුම තත්ත්වයක් ද එතුමන්ට ඇතිවීමයි.  සිය රෝගී තත්වය ගැන විවෘත  වන ලෙස සහ සත්‍ය වාර්තා ලබා දෙන ලෙස සුදොතුම් පියතුමා වතිකනයට උපදෙස් ලබා දී ඇති බව එහි ප්‍රකාශකයෙක්  කියා සිටියේය. මේ නිසා ...

රෝමයේ ප්‍රාකාරයෙන් පිටත සාන්ත පාවුළු දෙව්මැදුර  අබියස යාච්ඥා කරන දෙදෙනෙක්    (2025 පෙබරවාරි 22) ගාසා තීරය ඇතුළු ලොව පුරා රටවල් රාශියක කතෝලික ජනතාව දෙව්මැදුරුවලට  රැස්වී ප්‍රැන්සිස් සුදොතුම් පියතුමන් වෙනුවෙන් යාච්ඥා  කිරීමට පටන්ගෙන තිබේ.  දරුණු ශ්වසන රෝග සංකීර්ණයකින් පීඩා විඳිමින් සිටි ප්‍රැන්සිස් සුදොතුම් පියතුමා පෙබරවාරි 14 වැනිදා රෝමයේ ජෙමෙල්ලි රෝහලට ඇතුළත් කෙරිණි. එතුමා මුලින් ම රෝහලට ඇතුළත් කරන ලද්දේ බ්‍රොන්කයිටිස් රෝගය හේතුවෙනි. එහෙත් ඊට අමතරව එතුමා තරමක් දරුණු නියුමෝනියා තත්වයකින් ද පීඩා විඳින බව එතුමාට ප්‍රතිකාර කරන වෛද්‍ය  කණ්ඩායම නිරීක්ෂණය කළේය . ඊටත් අමතරව ශ්වසන පද්ධතිය ආශ්‍රිත වෛරස් රෝගයක් ද එතුමාට පීඩා කරමින් තිබිණි. මේ අනුව ඉතා ප්‍රබල ප්‍රතිකාර මාලාවකට එතුමන් භාජනය කර තිබිණි.  මාර්තු 21 වැනිදා විශේෂ මාධ්‍ය හමුවක් පැවැත්වූ සුදොතුම් පියතුමා ගේ වෛද්‍ය කණ්ඩායම එතුමා ගේ තත්වය පැහැදිලි කළහ. "ඔබේ ප්‍රශ්නය එතුමා අනතුරුදායක තත්වයෙන් මිදිලා ද කියන එක නම් පිළිතුර "නැහැ" කියන එකයි. ඔබේ ප්‍රශ්නය එතුමා මියයන්නට තරම් අනතුරු දායක තත්වයට පත්වෙලා ...

ජෙමෙල්ලි රෝහල ඉදිරිපිට සුදොතුම් පියතුමන් වෙනුවෙන් දැල්වෙන ඉටිපහන්  (2025 පෙබරවාරි 22) රෝහල් ගතකොට සිටින ප්‍රැන්සිස් සුදොතුම් පියතුමා ගේ තත්වය අයහපත් අතට හැරී ඇති බව වතිකානය ප්‍රකාශ කරයි.  ඉකුත් දා එතුමන් රෝමයේ ජෙමෙල්ලි රෝහලට ඇතුළත් කරන ලද්දේ තරමක්  උග්‍ර බ්‍රොන්කයිටිස් රෝගී තත්වයෙන් පෙලීම හේතුවෙනි. එම තත්වය සහ කැස්ස නොතකා එතුමන් දිව්‍ය පූජා යාගයකට එක්වී ධරම දේශනය පවත්වමින් සිටින එතුමාට එම පිටපත කියවා ගන්නට නොහැකි විය. එතුමා වෙනුවෙන් එම දේශනා පිටපත වෙනත් රදගුරු  හිමි නමක්  විසින් ඉදිරිපත් කරන ලදී.  වහාම රෝහල් ගත කරන එතුමාට විශේෂඥ වෛද්‍ය කණ්ඩායමක් ප්‍රතිකාර කිරීම ආරම්භ කළේය. රෝහල් ගත වී සිටින විට වෛද්‍යවරුන් විසින් සොයා ගන්න ලද්දේ එතුමා බ්‍රොන්කයිටිස් රෝගයට අමතරව පෙනහළු දෙකේම නියුමෝනියා තත්ත්වයෙන් පෙළෙන බවය. ඒ අනුව එතුමා ප්‍රබල ප්‍රතිකාර වලට ලක්කරන ලද අතර තත්වය පහසු කිරීම සඳහා විටින් විට එතුමාට ඔක්සිජන් ලබා දීම ද සිදු  කෙරිණි. එතුමා කුඩා කාලයේ සිට ම නියුමෝනියාවට විටින් විට මුහුණ දුන්නේය. වයස අවුරුදු 21 දී එතුමන්ට දරුණු නියුමෝනියා තත්වයක් වැළඳීම නිසා එතුම...