ප්‍රැන්සිස් සුදොතුම් පියතුමා ගේ තත්වය ස්ථාවරයි. යාන්ත්‍රික ශ්වසන සහය ඉවත් කෙරේ රෝම වැසියන් එතුමන් වෙනුවෙන් යාච්ඥා කිරීම දිගටම
 |
| ඉරිදා ජපමාල යැදුමට සාන්ත පීතර චතුරශ්‍රයට එක් වූ ජනතාවගෙන් කොටසක් |
( 2025 මාර්තු 2)
ප්‍රැන්සිස් ශුද්ධෝත්තම පියතුමා ගේ තත්ත්වය ස්ථාවර වී ඇතැයි වතිකාන මාධ්‍ය කාර්යාලය ඉරිදා සවස නිකුත් කළ නිවේදනය ප්‍රකාශ කරයි. රෝමයේ ජෙමෙල්ලි රෝහලේ වාර්තා උපුටා දක්වමින් නිකුත් කෙරුණු එම නිවේදනය මෙසේය:
"ශුද්ධෝත්තම පියාණන් ගේ සායනික තත්ත්වය අදත් ස්ථාවරව පැවැතින. පාප්වහන්සේට තවදුරටත් අන්ධර්ගත නොවන යාන්ත්‍රික ශ්වසන සහය අවශ්‍ය නොවීය. අතිරේක ඔක්සිජන් සහය පමණක් ලබා දෙන ලදී.
සායනික තත්වයේ සංකීර්ණත්වය හේතුවෙන් රෝග අනාවැකිය තවදුරටත් අවදානම් තත්ත්වයේ පවතියි.
අද (ඉරිදා) ශුද්ධෝත්තම පියතුමා, මේ දිනවල රෝහලේ තමන්ට වෛද්‍ය, හෙද සහ සෙසු රැකබලා ගැනීම් කළ පිරිස සමග ඉරිදා දිව්‍ය පූජාවට සහභාගී විය. ඉන් පසුව එතුමා වරින් වර විවේකිවත් යාච්ඥා කරමිනුත් කාලය ගත කළේය."
ප්‍රැන්සිස් ශුද්ධෝත්තම පියතුමා පෙබරවාරි 14 වන දා සිට ශ්වසන රෝග සංකීර්ණයක් හේතුවෙන් රෝහල් ගත වී ප්‍රතිකාර ලබයි. මේ හේතුවෙන් මේ ඉරිදාත් තුන් වන වතාවටත් ජනතාව සමග තුන්කාල් ආරාධනා මරිය දැහැනට සහභාගී වීමට එතුමාට නොහැකි විය.
මේ අතර රෝම වැසියෝ තව දුරටත් පාප් වහන්සේ වෙනුවෙන් ජපමාලය යැදීම කරගෙන යමින් සිටිති.
මේ ඉරිදා රාත්‍රියේ ජපමාල යැදුම මෙහෙයවන ලද්දේ පාප් වහන්සේ ගේ දයා සේවා අංශයේ නායක පෝලන්ත ජාතික කොන්රඩ් ක්‍රව්ජෙස්කි කාදිනල් හිමිපාණන් විසිනි.
ප්‍රැන්සිස් සුදොතුම් පියතුමා රෝහලේ දසවැනි රාත්‍රිය විවේකීව ගත කරයි. ඉරිදා දිව්‍ය පූජාවට එක් වෙයි.
Comments
Post a Comment