Holy Father prayed for Los Angeles, and now, they are praying for his recovery

(2025 මාර්තු 07)

ඇමෙරිකාවේ ලොස් ඇන්ජලීස් ප්‍රදේශය පුරා ලැව් ගිනි පැතිර යද්දී ප්‍රැන්සිස් ශුද්ධෝත්තම පියතුමා එම නගරයේ ජනතාවට සිය සමීප බව ප්‍රකාශ කරමින් පණිවිඩයක් යැව්වේය. "ලොස් ඇන්ජලීස්, මගේ හදවත ඔබ සමගයි" එම පණිවිඩයෙන් එතුමා කියා සිටියේය.

ජනවාරියේ ලැව්එ ගිනි පැතිර යද්දී ම පදවියේ අගරදගුරු හොසේ එච්. ගෝමස් හිමිපාණන් වෙත විදුලි පණිවිඩයක් යැවූ සුදොතුම් පියතුමා ඔවුන් සමග තමන් ආධ්‍යාත්මිකව සමීප වන බව කියා සිටියේය. සිද්ධියෙන් මිය ගිය පිරිස පිළිබඳව සිය "දැඩි ශෝකය" පලකල එතුමා සහන සේවා සාර්ථක වීම සඳහාත් එම සේවා සහ හදිසි ආපදා සේවාවල නිරත සියලු කණ්ඩායම් වෙනුවෙන් තමන් යාච්ඥා කරන බව ද පවසා තිබිණි.

දැන්, ප්‍රැන්සිස් ශුද්ධෝත්තම පියතුමා දැඩි ලෙස රෝගීව රෝමයේ ජෙමෙල්ලි රෝහලේ ප්‍රතිකාර ලබද්දී ලොස් ඇන්ජලීස් අගරදගුරු පදවියේ කෘතවේදී කතෝලික ජනතාවගෙන් එතුමන්ට යාච්ඥා වැලක් ගලා එන්නට පටන් ගෙන තිබේ.

රෝහල් ගතව සිටින පාප් වහන්සේ වෙනුවෙන් යදින ලෙස ඉල්ලා ගෝමස් අගරදගුරු හිමිපාණන් පදවි වෙබ් අඩවියේ ඉල්ලීමක් පල කළා පමණි, පාප් වහන්සේ වෙනුවෙන් යැදුම් ගලා එන්නට පටන් ගත්තේය. දරු දැරියන්, යෞවන යෞවනියන්, මැදිවයස් ජනතාව මෙන්ම වයස් ගත වූ ජනතාව පවා සිය පණිවිඩ සහ යැදුම් ඒවා තිබිණි. එම පණිවිඩ එක්කර නිපදවන ලද වීඩියෝවලින් දැන් එම පදවි සමාජ මාධ්‍ය සැරසී තිබේ. ඉන් එක් කෙටි එහෙත් සොඳුරු, ඇතැම් විට නෙතට කඳුළු නංවන පණිවිඩ කිහිපයක් එකතු කර නිපදවන ලද වීඩියෝවක් වතිකාන වෙබ් අඩවියේ පළකර ඇත. එය පහත පළවේ.

එයින් ගලා එන ආදරය විඳින්න:

වීඩියෝව නම් කර ඇත්තේ "පාප් වහන්සේ වෙත ආදරයෙන්" යනුවෙනි. පදවියේ පවුල්, පුදැදුරු තුමන්, පාසල් සිසුන් සහ ගුරුවර ගුරුවරියන් ප්‍රැන්සිස් සුදොතුම් පියතුමන් අමතා ඉක්මන් සුවයට කරන ප්‍රාර්ථනා ඊට ඇතුළත් වේ.

"මේ වීඩියෝව මගින්, ශුද්ධෝත්තම පියාණන් වෙනුවෙන් ලොව පුරා යාච්ඥා කරන සියල්ලන්, විශේෂයෙන් සාන්ත පීතර චතුරශ්‍රයේ සිට දින පතා යාච්ඥා කරන සැදැහැවතුන් සමග ආධ්‍යාත්මිකව ඒකාත්මික වී එතුමන් වෙනුවෙන් යදින්නට ලෝකයේ සියල්ලන්ට අනුප්‍රාණයක් ලැබෙනු ඇත කියා අප බලාපොරොත්තු වෙනවා," යි ලොස් ඇන්ජලීස් අගරදගුරු පදවි ඩිජිටල් කණ්ඩායමේ නායිකා සේරා යැක්ලිච් වතිකාන ප්‍රවෘත්ති සේවාවට කියා සිටියාය.

"මා වෙනුවෙන් යදින ඔබට ස්තුතියි"

මේ අතර තමා වෙනුවෙන් යාච්ඥා කරන්නට ලොව පුරා එක්වන සියල්ලන්ට තමන් ස්තුති කරන බව ප්‍රැන්සිස් සුදොතුම් පියතුමා රෝගී වීමෙන් පසුව ප්‍රථම වරට හඬ පටයක් නිකුත් කරමින් කියා සිටියේය.

එය වතිකාන සුළඟ ඊයේ වාර්තා කළේය. එම වාර්තාව මෙතැනින් කියවන්න:

"මා වෙනුවෙන් යාච්ඥා කරන ඔබට ස්තුතියි!" - ශුද්ධෝත්තම පියතුමා රෝහලේ සිට සිය ප්‍රථම හඬ පණිවිඩය එවමින් කියයි (Vedio) - මේ අතර මරණය වෙනුවෙන් යදින ට්‍රම්ප්වාදී 'පූජකවරු'

තමන් වෙනුවෙන් යාච්ඥා කරන ජනතාවට ස්තුති කිරීමට අවශ්‍ය බව කියා සිටියේ පාප් වහන්සේම බව ශුද්ධාසන මාධ්‍ය කාර්යාලයේ ප්‍රධානි මතේයෝ බෘනි බ්‍රහස්පතින්දා සවස වාර්තාකරුවන්ට කීවේය. එය බැසිලිකා චතුරශ්‍රයේ කෙරෙන ජපමාල යැදුමේදී වාදනය කිරීම සඳහා හඬ පටියක් මගින් යැවීම එතුමන් ගේ අදහස වූ බව ද හෙතෙම සඳහන් කළේය.

"එතුමන් වෙනුවෙන් විවිධාකාරයෙන් යාච්ඥා කරන සියලු ජනතාවට ස්තුති කිරීමට එතුමාට අවශ්‍යව තිබුනා. සමස්ත දේව ජනතාව විසින් තමන් ඔසවාගෙන යනවා සේ දැනෙන බවත් ඔවුන් ගේ සහයෝගය තමන්ට දැනෙන බවත් කියා ඔවුන්ට ස්තුති කිරීමට අවශ්‍ය බව එතුමා පැවසුවා" ඔහු සඳහන් කළේය.

සබැඳි අනෙක් පුවත්

BREAKING: රෝහල් ගත වී සිටින ප්‍රැන්සිස් සුදොතුම් පියතුමා දරුණු ඇදුම තත්වයකට මුහුණ දෙයි. "තත්වය තරමක් අයහපත්" -වතිකානය කියයි

ප්‍රැන්සිස් සුදොතුම් පියතුමන් ගේ තත්වය දරුණු අතට: ආජන්ටිනාවේ 'කාලකන්නි වතු" ඇතුළු ලොව පුරා ජනතාව පාප් වහන්සේ වෙනුවෙන් යාච්ඥා කිරීමට රොක්වෙති

Updates: "සුදොතුම් පියතුමා රෝහලේ නිසංසල රාත්‍රියක් ගත කළා" -වතිකානය . "මට දක්වන සෙනෙහසට ස්තුතියි!" පාප් තුමා රෝහලේ සිට කියයි

"සිරස" පුවත වැරැදියි - ප්‍රැන්සිස් පාප්වහන්සේ ගේ ඉල්ලා අස්වීම ගැන කිසිදු කතාවක් මෙතෙක් සිදු වී නැහැ. "අප මේ මොහොතේ සිතන්නේ ශුද්ධෝත්තම පියතුමා සුව වී පැමිණ යලිත් සිය සේවාව ආරම්භ කිරීම ගැන පමණයි" වතිකාන රාජ්‍ය ලේකම් කියයි

ප්‍රැන්සිස් සුදොතුම් පියතුමා රෝහලේ දසවැනි රාත්‍රිය විවේකීව ගත කරයි. ඉරිදා දිව්‍ය පූජාවට එක් වෙයි.

ප්‍රැන්සිස් සුදොතුම් පියතුමා ගේ තත්වය ස්ථාවරයි. යාන්ත්‍රික ශ්වසන සහය ඉවත් කෙරේ රෝම වැසියන් එතුමන් වෙනුවෙන් යාච්ඥා කිරීම දිගටම